شرح explain كيفية how to الحماية security من from ملفات files بى دى اف pdf الضارة malicious على on الكمبيوتر computer
السلام عليكم
ازيكم يا رجالة ؟
هنشوف مع بعض ازاى نحمى الاجهزة من تلغيمات ملفات PDF الضارة
النوع ده من الملفات بقى بيتم تلغيمه فى الفترة اللى فاتت دى بشكل غريب جدا
وطبعا الاغلبية بيفكروا انه ملف PDF عادى وبيتم فتحه وبعدها بيتم اختراق الجهاز او يمكن اكتر من كده كمان
طيب احنا فى درسنا هنتكلم عن ازاى نحمى نفسنا من التلغيمات دى
اول حاجة تعريف بسيط للنوع ده من الملفات
PDF هو اختصار لـ Portable Document Format وهو نوع ملفات لحمل الوثائق أنتجته شركة Adobe ويمكن ادراج صورة او نصوص
ضمن هذا النوع من الملفات وبعض الامور الاخرى زى اكواد لغة البرمجة JavaScript والاغلبية بيستخدمه النوع ده لـ الكتب
تمام نيجى بقى لـ كيفية حماية الاجهزة من ملفات PDF الضارة
- تحديث Adobe Reader اللى على جهازك
- تحديث Operating System اللى على جهازك (اذا كان اصلى)
- تحديث Anti-Virus اللى على جهازك
- تعطيل Plugin الخاصة بـ PDF Reader اللى على متصفحك ودى هنشرحها دلوقتى
- تحميل ملفات PDF من مصادر موثوقة
- تعطيل خاصية تشغيل اكواد JavaScript ودى اهم خطوة
- تثبيت اضافة NoScript على فايرفوكس للحماية اكثر
نيجى لتعطيل الاضافة الخاصة بالنوع ده من الملفات على المتصفح سواء كان كروم او فايرفوكس
نيجى على فايرفوكس اول حاجة نتابع الشرح مع الصور كمان
فى شريط المهام Status Bar نحط فيه
about:config
وبعدها نعمل بحث عن التالى
pdfjs.disabled
الافتراضى بيكون False
هندوس عليها مرتين ونخليها تبقى True
وبكده نكون عطلنا تشغيل ملفات PDF من على متصفح فايرفوكس
نيجى على متصفح الكروم ونتابع الصور كمان
من شريط المهام نحط فيه
chrome://plugins
نشوف الاضافة Chrome PDF Viewer
هنلاقيها فى الافتراضى مفعلة
ندوس على Disable وبكده نكون عطلناها
وبكده يا رجالة نكون عملنا حماية للمتصفحات بتاعتنا من الوقوع فى التلغيمات اللى بتكون فى الملفات دى
وطرق الحماية للاجهزة وضحتها فوق وفيه طرق اكتر ان شاء الله هبقى اتكلم عنها برضو
وفيه موقع بيقوم بفحص الملفات المشكوك فيها اونلاين جميل جدا
شرح سريع لفحص الملفات من الموقع ده يا رجالة
اول حاجة بنختار الملف اما من على الجهاز بتاعنا او من خلال رابط
وبعدين بنختار الصيغة بتاعت الملف PDF
وبعدين بنضغط على Submit for analysis
ونستنى النتيجة بتاعت الموقع
وبكده يكون خلصنا شرحنا النهاردة واتمنى يكون واضح وسهل للجميع
اى استفسار يكون على الاسك بتاعى
اى اضافة او توضيح اهلا بيها وبيه يا رجالة
الصياد /.