شرح و تعريف انظمة التشغيل وانواعها بالتفصيل

شرح تعريف انظمة التشغيل اصدار نظام التشغيل مجموعة برامج operating systems لينكس os ويندوز ماك linux macintosh windows mac unix

السلام عليكم

ازيكم يا رجالة ؟

درسنا النهاردة هيكون عبارة عن تعريف وشرح انظمة التشغيل وانواعها ان شاء الله

طيب اول حاجة لازم نعرفها انظمة التشغيل دى بتشتغل على اجهزة الكترونية تسمى بـ Computers

ايه هو الحاسب الالى او ما يسمى بـ Computer ؟

هو عبارة عن جهاز الكترونى بيستقبل البيانات ويعالجها ويخزنها او يظهرها للمستخدم على شكل مختلف

وطبعا فى حجات بتساعد ال Computer عشان يقدر ينفذ الحجات دى زى

المعالج Processor , الذاكرة Memory , القرص الصلب Hard Disk والى ما اخره

بس مع كل الحجات دى برضو هيكون فى صعوبة للمستخدم فى التعامل مع Computer

عشان كده ظهرت انظمة التشغيل المختلفة مع واجهة رسومية لكل نظام تشغيل فيهم

انظمة التشغيل ؟

نظام التشغيل Operating System واللى اختصار OS , هو اول برنامج بيظهر ليك لما الكمبيوتر يشتغل واخر برنامج بيظهر لما الكمبيوتر بيتقفل

بمعنى اوضح انه عبارة عن مجموعة من البرامج المسؤولة عن ادارة مختلف الموارد الخاصة بالجهاز او بمعنى اوضح اكتر

هو يعتبر الوسيط بين المستخدم وبين الجهاز الالكترونى بمعنى انه يعتبر المترجم بين شخصين لا يفهمون لغة بعضهم

انواع انظمة التشغيل ؟

تختلف انواع انظمة التشغيل على حسب الجهاز الالكترونى اللى شغاله عليه وهما يعتبره خمس انواع

مستخدم واحد , مهمة واحدة (single user , single tasking) ؟

النظام ده باين من اسمه انه لمستخدم واحد وبيعمل وظيفة واحدة فى نفس الوقت مثال على الانظمة دى MS-DOS

مستخدم واحد , متعدد المهام (single user , multi tasking) ؟

النظام ده باين من اسمه انه لمستخدم واحد وبيعمل اكتر من وظيفة فى نفس الوقت مثال على الانظمة دى MAC , Windows

متعدد المستخدمين , مهمة واحدة (multi users , single tasking) ؟

النظام ده يا رجالة باين من اسمه انه متعدد المستخدمين بس بيعمل وظيفة واحدة فى نفس الوقت مثال على الانظمة دى Win NT

متعدد المستخدمين , متعدد المهام (multi users , multi tasking) ؟

النظام ده باين من اسمه انه متعدد المستخدمين وبيعمل اكتر من وظيفة فى نفس الوقت مثال على الانظمة دى Unix , Gnu/Linux

طيب نيجى بقى لانظمة التشغيل المعاصرة اللى هيا بالوقت الحالى

نظام تشغيل Windows ؟

هذا النظام هو الاكتر شعبية على الحواسيب الشخصية فى العالم , انتجته شركة Microsoft والنظام ده نزل بديل للنظام الخاص بالشركة القديم اللى هو MS-DOS والنظام ده كان متطور بحيث انه نزل بواجهة رسومية بدل من تنفيذ الاوامر

نظام تشغيل Unix ؟

هو أقدم نظام تشغيل فى العالم تم انتاجه من شركة امريكية AT & T ويتميز هذا النظام بقوة حمايته وأمنه واكتر انواعه FreeBSD يستخدم بكثرة فى الشبكات والاجهزة العملاقة

نظام تشغيل Macintosh ؟

نظام التشغيل ماكنتوش هو نظام من انتاج شركة ابل المعروفة , يستخدم هذا النظام للاجهزة الشخصية وللتعليم

نظام تشغيل Linux ؟

هو نظام تشغيل مفتوح المصدر Open Source , هو النظام الاكتر استخدام للاجهزة الخاصة والشبكات والسرفرات Servers واللى تعمل عليها المواقع الالكترونية ويتميز هذا النظام بقوة حمايته وأمنه وسهولة التعامل معاه

ويمكن تطوير اى اجزاء من مكونات النظام لانه مفتوح المصدر

وبالاخير يا جماعة اى نظام تشغيل يعتبر الروح الخاصة بالجهاز الالكترونى Computer

والى هنا ينتهى درسنا واتمنى انه يكون بافادة ان شاء الله

اى استفسار او اضافة اهلا بيها

الصياد /.