شرح explain كيفية how to تفعيل activate تشغيل run تثبيت install تسجيل register فى in خدمة service اوبن دى اس opendns
السلام عليكم
ازيكم يا رجالة ؟
درسنا النهاردة ان شاء الله هيكون سهل وبسيط
هنشوف مع بعض ازاى نشغل خدمة OpenDNS على الجهاز بتاعنا وبطريقة بسيطة
طيب نشوف بعض المعلومات
مقدمة عن الخدمة OpenDNS وكيف يمكن الإستفادة منها
OpenDNS هي شركة تقدم خدمات لمستخدمي الإنترنت لغرض جعل تصفح النت اكثر أمانا وراحة وسرعة، ومن ضمن الخدمات التى تقدمها:
1- القدرة على حظر المواقع (الإباحية أو غيرها) عن كل المتصلين بالشبكة الخاصة بك سواء عن طريق حاسب أو هاتف أو أي جهاز لديه القدرة على الإتصال بالانترنت.
2- الحماية من هجمات السيرفرات و الإعلانات الضارة و من بعض الثغرات في المواقع.
3- القدرة على مراقبة الشبكة الخاصة بك ومعرفة أكثر المواقع تصفحاً وأكثرها حظراً وأكثر الأوقات ازدحاماً وما الى ذلك.
4- توفر لك بعض التسهيلات فى عملية التصفح مثل البحث التلقائي وتصحيح بعض الاخطاء فى العناوين وإمكانيه وضع الاختصارات وكثير من المميزات التي ستتعرف عليها أكثر فى حال استخدام الخدمة بنفسك.
5- هذا بالاضافة إلى أنها تقوم بوظيفة الـ DNS الاعتيادية مع العلم ان الـ DNS الخاص بهم سريع ومستقر.
احنا هنشرح اسهل طريقة عشان نتمتع بالخدمة دى والاتصال من خلالها
الطريقة ببساطة هيا اضافة الايبى بتاع الخدمة على الشبكة بتاعتنا
احنا هنشرح على WinXp و Win7
نبتدى بـ Win7
اول حاجة نروح على Start ونختار Control Panel
بعدها نختار Network and Internet
هنا نختار Network and Sharing Center
من على الشبكة بتاعتك نختار Local Area Connection
نختار هنا Properties
هنا نضغط على Internet Protocol Version 4 مرتين هتفتح لنا قائمة تانية
هنا نضغط على Use the following DNS server addresses ونحط الايبهات دى
بعد كده نعمل Ok عشان نحفظ كل حاجة وبعدين نقفل كل حاجة
وكده تكون الخدمة اتفعلت عندك على الشبكة
نيجى لـ WinXp
اول حاجة نروح على Control Panel
نختار بعد كده Network and Internet Connection
بعدين نيجى على الشبكة بتاعتنا وندوس كليك يمين ونختار Properties
ندوس على Internet Protocol وبعدها ندوس على Properties
نختار Use the following DNS server addresses
ونحط الايبهات زى ما عملنا فى Win7
وبعد كده بندوس على Ok عشان نحفظ العملية بتاعتنا
ونقفل كل حاجة وبكده نكون فعلنا الخدمة OpenDNS على الشبكة بتاعتنا
وبكده يا رجالة نكون فعلنا الخدمة OpenDNS على الشبكة بتاعتنا للنظامين Win7,WinXP
وان شاء الله هيكون فى درس تانى للخدمة دى مفصل عن كل حاجة فيها
اى استفسار يا ريت يكون على الاسك بتاعى
اى اضافة اهلا بيها يا رجالة
الصياد /.