تثبيت برنامج تحميل وتنزيل الملفات السريع uGet علي انظمة لينكس

السلام عليكم

ازاي الحال ؟
النهاردة هنتكلم عن برنامج uGet لتحميل/لتنزيل الملفات وايه هي مميزاته وازاي نثبته
البرنامج ده من أفضل البدائل برنامج Internet Download Manager المعروف
البرنامج بواجهة رسومية جميلة جدا ومخصصة بشكل جميل
برنامج uGet هو تطبيق لتحميل/لتنزيل الملفات مفتوح المصدر ومجاني ومتعدد المنصات
فنقدر نثبت البرنامج علي أنظمة Linux وأنظمة BSD وأنظمة MAC OSX وأنظمة Windows وحتي Android
بعد مميزات البرنامج الجميل ده

- قائمة بالتحميلات مرتبة بشكل جميل
- توقف واستعادة التحميلات في اي وقت
- مراقبة الحافظة لتنزيل الملفات
- متعدد الاتصال لتنزيل الملفات بشكل اسرع
- متعدد المرايا لتنزيل الملفات بشكل اسرع
- تحميل مجموعة من الملفات في وقت واحد
- تحديد السرعة لكل ملف يتم تحميله
- يدعم 29 لغة منها اللغة العربية
وغيرها من المميزات الكثيرة في هذا البرنامج الرائع
هنشرح دلوقتي ازاي نثبت البرنامج ده علي اكثر من توزيعة لآنظمة Linux
نبتدي علي بركة الله

الشرح ده للتوزيعات المبنية علي Ubuntu

نقوم بكتابة هذا الامر وتنفيذه في Terminal
sudo add-apt-repository ppa:plushuang-tw/uget-stable
الامر ده عشان نضيف المستودع الخاص بالبرنامج للمستودعات الخاصة بنا
sudo apt-get update
الامر ده عشان نعمل تحديث للمستودعات
sudo apt-get install uget
الامر ده عشان يثبت البرنامج
sudo apt-get aria2
الامر ده عشان يثبت اضافة aria2 لتسريع البرنامج وتوافقه

الشرح ده للتوزيعات المبنية علي Fedora

فقط نقوم بكتابة الامرين دول
sudo dnf install uget
والامر التالي
sudo dnf install aria2

الشرح ده للتوزيعات المبنية علي Arch

sudo pacman -S uget
والامر التالي
sudo pacman -S aria2

دلوقتي نروح ونفعل اضافة aria2 لتحسين عمل برنامج uGet علي نظامك
من الاعدادات Settings نخليها زي ما في الصورة دي

اي استفسار احنا موجودين ان شاء الله
موفقين ~
الصياد /.