شرح تحميل و تثبيت متصفح اوبرا على اوبنتو لينكس

شرح تحميل و تنزيل و تثبيت متصفح اوبرا على اوبنتو لينوكس منت لينوكس لينكس كامل

السلام عليكم ورحمة الله وبركاته

 ازيكم يا شباب ان شاء الله تكونوا كويسين

ده اول شرح ليا من نظامى الجديد على جهازى (اوبنتو) وحبيت انى اعمل شوية شروحات بسيطة عنه

بما انه نظام تشغيل سهل ومجانى ومتاح للجميع مش زى ويندوز ورخامته هههه

المهم درس النهاردة هو ازاى نحمل متصفح اوبرا ونثبته على اوبنتو او لينوكس منت

عندنا كذا طريقة عشان نثبت المتصفح الرائع ده على اوبنتو

احنا هنشرحهم كلهم وهما 3 طرق هنعرفهم دلوقتى ودى الطرق المعروفة فى التحميل على نظام لينوكس

--------------

اذا كان البرنامج متوفر ليه نسخة لنظام لينوكس (Package) اول طريقة هتكون تحميل الحزمة 

ودى بتكون ان الموقع الخاص بالبرنامج عامل اصدار او نسخة معينة متوافقة مع لينوكس

احنا هنروح على موقع متصفح الاوبرا اللى على الرابط التالى

Opera

وبعد كده هنروح على صفحة التحميل الخاصة بانظمة اللينوكس

Opera Download

 Download Now بعد كده هنضغط على

هيبدأ معانا التحميل بعد 3 ثوانى بعد ما يخلص التحميل هنروح عشان نثبت البرنامج بتاعنا

هنا برضو عندنا طريقتين لتثبيت الحزم

ممكن من خلال الضغط على الحزمة مرتين وهيفتح لنا برنامج مركز برمجيات اوبنتو

 Install بعدها هندوس على 

كانك بتثبت اى برنامج من خلال مركز برمجيات اوبنتو ودى هنشوفها فى الطريقة التالتة

طيب والطريقة التانية لتثبيت الحزم

هيا من خلال فتح الترمنال او الطرفية وتنفيذ الامر التالى

sudo dpkg -i {Package_Name}

بنحط مكانها طبعا اسم الحزمة اللى نزلت بالظبط = Package_Name

وبعد كده هيبدأ التثبيت لوحده

وبكده نكون ثبتنا الحزمة الخاصة بمتصفح اوبرا ونقدر نشتغل بيه

--------------

 PPA او المعروفة بـ (Repostories) تانى طريقة هتكون من خلال المستودعات 

وننفذ الاوامر دى تحت بعض بالترتيب (Terminal) نفتح الطرفية

sudo sh -c 'echo "deb http://deb.opera.com/opera/ stable non-free" >> /etc/apt/sources.list.d/opera.list'

sudo sh -c 'wget -O - http://deb.opera.com/archive.key | apt-key add -'

sudo apt-get update

sudo apt-get install opera

بعد ما يخلص التثبيت هنقدر نشتغل بالمتصفح الجديد اوبرا بكل سهولة

--------------

            (Ubuntu Software Center) تالت طريقة هتكون من خلال مركز برمجيات اوبنتو

  عشان يبحث عنها opera نفتح البرنامج بعد كده نكتب فى خانة البحث 

وهيبدا التحميل والتثبيت install زى فى الصورة كده هيظهر اول واحد ندوس على

بعد ما يخلص التحميل والتثبيت من مركز برمجيات اوبنتو هتقدر تشتغل بالمتصفح على راحتك

--------------

لحد هنا واحنا عرفنا ازاى نثبت متصفح اوبرا على اوبنتو والشرح نفسه ينفع على لينوكس منت لانها مبنية على توزيعة اوبنتو

 sudo وبرضو ينفع على دبيان لان توزيعة اوبنتو مبنية على دبيان بس فى دبيان مش هنحتاج 

 (Root) فى الامر بتاعنا لان دبيان بتكون مسجل دخول بالمدير

انما فى توزيعة اوبنتو واللى مبنى عليها بتكون مسجل بمستخدم عادى على الجهاز

لاى استفسار بخصوص الشرح او فى نقطة مش واضحة حط تعليق وان شاء الله اساعدك

اتمنى التوفيق للجميع وهيتم الاهتمام بالمدونة مرة تانية وان شاء الله مكملين

./الصياد